Son illərdə ali təhsil müəssisələrimzidə xarici tələbələrin sayının artım dinamikasını müşahidə edilir.
Bəs xarici tələbələrin ali təhsil müəssisələrimizə üz tutmalarının əsas səbəbləri nələrdir?
Bu barədə danışan ali təhsil üzrə təhsil eksperti Vüsal Kərimli Azərbaycan universitetlərinə xarici tələbələrin marağının artmasının səbəblərinin Azərbaycan ali təhsil müəssisələrinin beynəlxalq reytinqlərdə iştirakı olduğunu bildirib.
Onun sözlərinə görə, bunun nəticəsi olaraq xarici tələbələrin universitetlərimizə marağı artır:
“Amma düşünürəm ki, bunun sayının artırılması və daha çox keyfiyyətli tələbənin təhsilə cəlb edilməsi məsələsinə diqqət etməliyik. Gələn tələbənin sayını artırmaq və xüsusilə keyfiyyətli tələbənin Azərbaycana gəlməsini təmin etmək üçün dövlət və Dövlət İmtahan Mərkəzi xarici ölkələrdə, MDB və Türkiyədə səfirliklərimiz vasitəsilə Azərbaycan ali təhsil müəssisələrinə qəbul imtahanlarının keçirilməsini təmin edə bilər”.
Kərimlinin fikrincə, birbaşa Azərbaycanın təhsil müəssisələrinə daha keyfiyyətli tələbə cəlb etmək məsələsi də gözdən keçirilə bilər:
“Bu istiqamətdə düşünürəm ki, Dövlət İmtahan Mərkəzi Azərbaycan ali təhsil müəssisələrinə gələcək xarici tələbələrin həm sayı, həm də keyfiyyəti arta bilər. Bu gün xarici tələbələrin Azərbaycana gəlməsinin əsas səbəblərindən biri təhsil haqqının bəzi ixtisaslarda digər ölkələrlə müqayisədə aşağı olması, qəbulun birbaşa attestatla, heç bir imtahanın keçirilməməsi ilə əlaqəlidir”.- ekspert bildirib.